Aktualaĵoj

Google montras Esperanton al la mondo, Esperanto-flageto informas pri la 150-a naskiĝtago de Zamenhof*

Jam relative frue dum la 14-a de decembro aperis la unuaj informoj pri Esperanto-flageto sur la paĝoj de la plej granda retserĉilo Google. "Liberafolio", la konata reta novaĵopaĝo anoncis la aperon de la Google-logotipo kun Esperanto flageto en la ĉina, korea kaj japana versioj. La homoj en Eŭropo nun demandis sin, ĉu ankaŭ en Eŭropo en diversaj lingvoversioj aperos tiu flageto. Jam ĉirkaŭ je la 23-a horo (laŭ eŭropa tempo) en pliaj versioj aperis la logotipo.

Ĉu ankaŭ en Meksiko Google festos kun la Esperanto-parolantoj la 150-an naskiĝtagon de LL Zamenhof, kiu estis la iniciatinto de Esperanto? Vere, post iom da tempo ankaŭ en la meksika versio aperis la logotipo. Ĝi estis videbla en www.google.com.mx ĉirkaŭ je la 23.30 laŭ la tempo de la urbo de Meksiko. La flageto vere kaŭzis lavangon da informpetoj en la tuta mondo kaj multaj homoj registris sin en la diversaj Esperanto-kursoj. Ne nur Google informis pri tiu evento, sed ankaŭ aperis informoj en diversaj radio-, televidostacioj kaj en gazetoj. En Meksiko ankaŭ la semajna ĵurnalo de "La Jornada" informis. Entute tre bona tago rilate al la informado pri Esperanto. Multaj homoj, kiuj antaŭe eĉ ne pensis pri la ekzisto de Esperanto nun scias pri ĝi. Dankon al Google, dankon al La Jornada kaj al la aliaj amaskomunikiloj! Pri Google vi trovas ĉi-tie la "liston de Guglo-paĝoj kun Esperanto-flageto" (preskaŭ komplete).

Artikolo pri la Esperanto-movado en Oruro en http://www.CulturaBoliviana.com

Tre interesa artikolo pri la Esperanto-movado en Oruro aperis en la bolivia retpaĝo http://www.CulturaBoliviana.com. Jen vi povas legi la kompletan artikolon, kiun verkis Rodolf Espinoza Aliaga.

RECORDANDO EL MOVIMIENTO ESPERANTISTA EN ORURO

Fue en la década del 40 que se inició en Oruro la enseñanza del Idioma Internacional Esperanto, a cargo de un conocido profesor, don Julio Espinoza Diaz que, al mismo tiempo, dictaba lecciones de inglés en algunos establecimientos de enseñanza media de esta ciudad.

Posteriormente, fundó la Escuela de Idiomas, donde se impartían lecciones de alemán, inglés, francés, italiano, quechua, aimará, inclusive guaraní; algunas de estas lenguas a cargo de profesores nativos del idioma. Allí, aprendimos Esperanto que, por la excepcional facilidad en su aprendizaje, varios de nosotros, asimilamos sin mayores dificultades..

100.000 artikoloj en la Esperanto-vikipedio

Artikolo rilate al 100.000 artikoloj en la Esperanto-Vikipedio

(vi rajtas traduki tiun artikolon al la hispana kaj doni ĝin al viaj lokaj gazetoj / speciale bona estas se vi mem kontribuis al diversaj artikoloj en la Esperanto-Vikipedio)

Proksimume je la 16a de junio la Esperanto-vikipedio havos 100.000 artikolojn. La internacia lingvo Esperanto per tio antaŭvideble estos la 20a lingvo, kiu atingos tiun grandecon. Ĉiutage la Esperanto-Vikipedio (http://eo.wikipedia.org/) kreskas per mezume 40 artikoloj kaj kelkaj cent aldonoj kaj redaktoj de jam ekzistantaj artikoloj. La kunlaborantoj venas el pluraj dekoj da landoj (inter tiuj ankaŭ Meksiko) kaj tial povas enmeti la scion el multaj diversaj kulturoj de la mondo en la Esperanto-vikipedion.

Pola Parlamenta rezolucias okaze de la 100-jariĝo de Universala Esperanto-Asocio*

La sejmo (Sejm), la pola parlamento hodiaŭ matene, 12a de junio 2008, unuanime akceptis rezolucion okaze de la 100-jariĝo de Universala Esperanto-Asocio. “Esperanto ligas homojn en riĉa kaj valora kulturo, kies fundamenta mesaĝo estas internacia amikeco kaj universala paco” substrekis la deputitoj en la proklamita rezolucio.

“Kreante Esperanton, Dr-o Zamenhof volis doni al ĉiuj homoj la eblecon interkompreniĝi sendepende de nacieco, raso, religio kaj propraj mondkonceptoj”, klarigas la parlamentanoj en la decido.

“Dezirante honorigi la kontribuon de Dr-o Ludwik Zamenhof al la mondheredaĵo de la civizilacio la sejmo subtenas la klopodojn de internaciaj cirkloj honorigi Universalan Esperanto-Asocion per la nobelpremio pri paco” oni plue povas legi en la rezolucio.

Abonrilata enhavo